Thermolan® galdaketa esferoidalerako, galdaketa laminarrerako eta grafito trinkoaren (CGI) galdaketarako kalitate metalurgikoaren sistema prediktiboa da, fabrikazioan dauden piezen ezaugarri nagusiak denbora errealean ezagutzea ahalbidetzen duena.
AZTERLANek garatua, Thermolan® analisi termikoko sistema erraz instala daiteke galdaketa-prozesuan, akatsik gabeko fabrikaziorako neurri zuzentzaileak ezartzeko aukera emanez.
Abantailak
Burdinurtzean galdaketaren kalitate metalurgikoa ziurtatzea eta uzkurdura-akatsak agertzeko arriskua adieraztea. Kalitate metalurgikoaren kontrola egitea, eta, horrez gain, hura hobetzeko gakoak aurkeztea.
Parametro garrantzitsuak eta laneko interfazea modu pertsonalizatuan hautatzea. 6 kanal aldi berean kontrolatzea, industria-inguruneetara egokitutako hardware eta softwarearekin. AZTERLANko kualifikazio handiko langileen euskarria.
30 parametro baino gehiago zaintzea, eta, aldi berean, lehengaiek oinarrizko metalean duten eragina zehaztea. Inokulatzaileek eta gehigarriek isurketan duten eragina neurtu eta alderatzea. Metala hozteko eta solidotzeko kurbak bistaratzea.
Sistemaren ezaugarriak
Thermolan® hainbat konbinazio ahalbidetzen dituen sistema moldakorra da, plantan ekipo bat instalatzetik edo eredu autonomo eramangarri bat erabiltzetik hasita.
Era berean, katilu biribil eta karratuetarako gaituta dago, eta 3 katilu kudea ditzake lagin-euskarri bakoitzak.
Windows 7rekin edo handiagoarekin bateragarria den softwarea eta hainbat hizkuntzatan prestatua.
Barne-datu-basean biltegiratzea eta datuak Excel fitxategietara edo beste datu-base batzuetara esportatzeko aukera.
Lotutako soluzioak
Ezagutza metalurgiko sakon baten eskutik, 4.0 industria, datuak kudeatzeko sistema aurreratuak eta machine learning-a osagarriak fabrikatzeko modua eraldatzeko etorri dira”.
