AZTERLAN Metalurgia Ikerketa Zentroa Materialen XVIII. Kongresu Nazionaleko (CNMAT 2026) Antolakuntza Batzordeko kidea da. Kongresua Portugaleten (Bizkaia) egingo da, 2026ko ekainaren 16tik 19ra. Ekitaldia Espainiako Materialen Elkarteak – SOCIEMATek antolatuko du, Euskal Herriko Unibertsitatearekin (EHU) batera, eta Mondragon Unibertsitateko Goi Eskola Politeknikoaren eta BRTAko kide diren AZTERLAN eta Tekniker zentro teknologikoen laguntzarekin. Kongresua Estatuko materialeen zientzia eta ingeniaritzako foro zientifiko garrantzitsuenetako bat izango da.
AZTERLANek, Enara Mardaras doktorearen bidez, Material Metalikoen Korrosio eta Babes Lerroko arduraduna, Kongresuaren garapen zientifikoan ere modu aktiboan parte hartzen du, baita “Korrosioa eta gainazalen babes-metodoak” sinposioaren antolakuntza batzordean ere, Kongresuaren barruan egingo dena.
“Gure helburua da ikertzaileak, teknologoak, unibertsitateak eta sektoreko enpresak biltzea, materialeen arloko egungo eta etorkizuneko erronkei buruz eztabaidatzeko interes handiko eduki zientifiko-tekniko baten bidez”. CNMAT 2026an jorratuko diren ezagutza-arloen artean honako hauek nabarmentzen dira: material estrukturalak eta tribologia, material konposatuak, entropia handiko aleazioak, IKTetarako eta energiarako material funtzionalak, fabrikazio gehigarria, korrosioa eta babes-metodoak, hidrogenoa eta gainazalak; arlo horietan guztietan AZTERLANek ikerketa-lerro garrantzitsuak garatzen ditu.
“Iron Bizirik” ekimena: industria siderurgikoa gizartera hurbiltzeko
Aurreko kongresuekin alderatuta ekimen berritzaile gisa, CNMAT 2026k Iron Bizirik ekitaldia hartuko du, industria siderurgikoa balioan jartzea helburu duena. Materialen zientzia eta ingeniaritzaren arlo hori mendeetan zehar Euskadiko ekonomiaren motor nagusietako bat izan da.
Sektore garrantzitsu hau gizartera hurbiltzeko asmoz, “Iron Bizirik” ekimenak hainbat jarduera izango ditu: TxikiMAT, Lehen Hezkuntzako ikasleei zuzendua, “materialen mundu zoragarria gerturatzeko”; industria-ondaretzat hartzen diren espazioetara eta egungo planta siderurgikoetara bisita gidatuak; industriak etorkizunari begira dituen erronketan oinarritutako hitzaldiak; eta Euskal Herriko siderurgiaren historiari eskainitako mahai-ingurua, ikuspegi zientifiko-teknologiko eta industrialetik.
