“Harea-aglomeratzaile” moldekatze-sistema jasangarriak eta isuri txikikoak garatzea, galdaketa-prozesuetarako

Galdaketa industrian, ingurumen-problematika larriagoa da aglomeratzaile organikoak erabiltzen dituzten moldekatze-prozesuetan. Prozesu horietan, silize-hareetatik eratorritako finen eta kristal-silize arnasgarriaren isurketez (SCR) gain, konposatu organiko lurrunkorren aniztasuna sortzen da (Bentzeno-Tolueno-Xileno (BTX), formaldehidoa, furfurfuril alkohola (AF), fenola…). Horiei gehitu behar zaizkie piezak isurtzean eta solidotzean sortzen diren errekuntza-gasen isuriak (Co, CO2, NOx,…).

Artikulu tekniko honetan, “harea-aglomeratzaile” sistema alternatiboak garatzeko lana aurkezten da, galdaketaren ingurumen-baldintzak hobetzeko:

• Altzairugintzako zepa beltzaren hondakinaren balorizaziotik sortutako moldekatze-material baten garapena, konposaketa askeko silizerik gabeko material bat, eta, beraz, interesgarria dena, silize kristalino arnasgarriaren isuriak ezabatzearen ikuspuntutik.
• Izaera ez-organikoko aglomeratzaile baten garapena (geopolimeroa), aktibazio alkalinoko teknologian (TAA) oinarritua, non aitzindari solido gisa altzairugintzako zepa beltza ere erabiltzen den, behar bezala tratatua eta hautatua. Kasu honetan, lortu nahi den ingurumen-onura konposatu organiko lurrunkorren (KOL) emisioak murriztea da.

Bi garapenen izendatzaile komuna altzairugintzako zepa beltza balorizatzeko bide berriak bilatzea da, siderurgia-industriak sortutako hondakin nagusia baita. Sektore hori ingurumen-inpaktuei dagokienez esanguratsuenetakotzat katalogatuta dago, materialen kontsumo handiagatik, energia ez berriztagarriengatik eta hondakinen sorreragatik.