Hutsez lagundutako presio handiko galdaketaz fabrikatutako AlSi10MnMg(Fe) bigarren mailako aleazio baten urarekiko hezegarritasunaren eta korrosioarekiko erresistentziaren analisi prediktiboa
Ikerketa honetan, hutsez lagundutako presio handiko galdaketaz fabrikatutako AlSi10MnMg aleazio primario eta sekundarioen tantaren tamainak, sekzio-lodierak eta aleazio motak urarekiko hezegarritasunean duen eragina aztertzeko analisi prediktiboa egin da, hezegarritasunak korrosioarekiko erresistentzian eragina duelako. Korrosioarekiko erresistentzia polarizazio linealeko saiakuntzen bidez aztertu da. Ukipen-angeluaren neurketak goniometro baten bidez egin dira. Ondoren, sare neuronal artifizial bat garatu da ukipen-angeluaren balioak aurresateko. Ereduak zehaztasun oso handia erakutsi du, Pearsonen korrelazio-koefizientea 0,96 izanik. Emaitzen arabera, aleazio mota da faktorerik garrantzitsuena, ukipen-angeluaren aldakortasunaren %80 inguru azaltzen duelarik. Mikroskopia konfokaleko irudiek erakusten dute hori gainazalaren heterogeneotasunaren aldaketengatik dela. Korrosio-azterketek erakusten dute aleazio primarioak korrosioarekiko erresistentzia handiagoa duela, bigarren mailako aleazioan dauden konposatu intermetalikoen proportzio handiagoak zelula galvaniko gisa jokatzen duelako.
Autoreak:
Amir Kordijazi (University of Southern Maine), Swaroop K. Behera (University of Wisconsin Milwaukee), Arthur Jamet (University of Nantes), Ana Isabel Fernández-Calvo (AZTRLAN), Pradeep Rohatgi (UUniversity of Wisconsin Milwaukee)
Keyword-ak:
Presio handiko galdaketa, bigarren mailako aleazioa, ukipen-angelua, gainazalaren zimurtasuna, korrosioa, analisi prediktiboa, sare neuronal artifiziala