Aleazio amak oinarrizko metal batez osatuta daude, aleazio-elementu baten edo batzuen proportzio handiarekin aberastuta. Aleazio ama hautatutako hautsarekin nahasteak aukera ematen du lortzen den metal-hautsaren aleazio-elementuak pertsonalizatzeko; horrela, fabrikazio gehigarriko teknologien bidez ekoitzitako osagaiaren konposizio kimikoa zehaztasunez egokitu daiteke.
Hauts formatuko aleazio amak garapen-bide garrantzitsua dira 3D inprimaketako teknologien bidezko fabrikaziorako egokitutako material berrien diseinu eta saiakuntzan. Horien bidez, konposizio kimiko graduatuak dituzten metal-hautsak modu seguru eta azkarrean lortu daitezke.
AZTERLANek galdaketa eta atomizazio gaitasunak ditu, eta horiei esker burdina-, aluminio-, nikela- eta kobre-oinarriko aleazio amak garatu eta ekoizteko gaitasuna dauka.
AZTERLANek aleazio amak fabrikatzen ditu, hauts komertzialarekin nahastuta, aleazio-edukia handitzeko. Adibidez, Cr, Mn, Zn eta antzeko elementuekin aleatu nahi den aluminiozko aleazio batetik abiatuta, AZTERLANek aluminio-oinarriko hautsak eskaintzen ditu elementu horietako baten edo gehiagoren kontzentrazio handiarekin; horrela, nahasketaren bidez nahi den aleazioa lor daiteke.
- Fabrikazio gehigarrirako forja motako Al aleazioak
- Fabrikazio gehigarrirako Fe oinarriko aleazioak
- Fabrikazio gehigarrirako Ni oinarriko aleazioak
- Fabrikazio gehigarrirako Cu oinarriko aleazioak
Metalurgia birpentsatzen dugu fabrikazio-prozesu eraginkorragoak, efizienteagoak eta iraunkorragoak garatzeko, propietate aurreratuak dituzten osagaien fabrikazioa erraztuko dutenak eta aplikazio-eremu berriak irekitzea ahalbidetuko dutenak».
