Podcast: “Harearen krisia: gehiegizko ustiapena eta birziklapena”
Uraren ondoren, hondarra da munduan gehien ustiatzen den bigarren baliabide naturala da eta bere erabilera hirukoiztu egin da azken hamarkadetan. Nazio Batuen Ingurumen Programaren arabera, 50.000 milioi tona harea eta hartxintxar inguru erabiltzen dira urtero, planetari buelta emango liokeen 27 metroko zabalera eta 27 metroko altuera izango lukeen harresia eraikitzeko adina.
Harearen erauzketak birjarpen-tasak gainditzen ditu, eta ez dago haren erabileraren inbentario globalik, ez eta munduko eskualde askotan ustiatzen den moduaren kontrolik ere. Zerk eragin du gehiegizko ustiapen hori? Zer eragin du erauzketa neurrigabeak ingurumenean eta biodibertsitatean eta ekosistemetan? Nola birzikla daiteke harea eta zer ekimen eta baliabide daude hori modu arrazionalagoan erabiltzeko?
José David Millánek zuzendutako “La Hora Verde” podcast saioaren atal honetan, Clara Delgadok, Azterlaneko Ingurumen eta Iraunkortasun taldeko ikertzaileak (“LIFE Eco-Sandfill” Europako proiektuaren koordinatzailea, galdaketa-hondar erabilien birbalorizazioari buruzkoa) eta Aurora Torresek, Louvaingo Unibertsitate Katolikoko doktoratu ondoko ikertzaileak (“Sandlinks” Europako proiektuaren koordinatzailea), gai horiei eta hareen erabilerarekin eta berreskurapenarekin lotutako beste hainbat gairi buruz hitz egiten dute.
