AZTERLANko ikertzaile Ana Fernández doktoreak osagai metalikoen “larruazalaren” sakonera desberdinetan sentsoreak integratzera bideratutako proiektu honen ekintza-eremu eta emaitza nagusiak partekatu zituen. CMH Manufacturing Congress, Fabrikazio Aurreratuari eta Makina-Erremintari buruzko Kongresua, Gipuzkoako Parke Zientifiko eta Teknologikoan (Donostia) egin zen urriaren 25, 26 eta 27an.
Laser, tinta-injekzio, DED-LB, PBF-PB eta FBG bidezko funtsezko teknologien bidez, MINAKU proiektuaren partzuergoa lanean ari da osagai metalikoen balio-bizitza kontrolatzeko larruazaleko zein larruazalpeko detektatzeko sistemak integratzeko. Helburu horrekin, ikerketa-proiektuaren bi urteetan, taldeak ekintza-eremu osagarrietan lan egin du, hala nola azaleren detekzioan, azalaren azpiko identifikazio digitalean (ID), osagarrien gorputzean integratutako zuntzaren puntu anitzeko detekzioan eta hari gabeko energiaren eta seinaleztapenaren elikaduran.
Hitzaldian, AZTERLANeko ordezkariak ikerketa-taldeak orain arte lortutako emaitza nagusietako batzuk partekatu zituen. “Osagaien azaleran lan egin behar denean, egiaztatu dugu azaleraren testurizazioa eta egokitzapena bideragarriak direla proiektuaren baitan lortu nahi ditugun helburuetarako; halaber, banakako piezen identifikazioa nola egin aztertu dugu bai honen fabrikazio-prozesu osoan zehar bai bere bizitza baliagarrian zehar, kopiaren aurkako identifikazio-teknologia barne”. Helburu horrekin, lantaldeak tinta-soluzio iraunkorrak eta X izpien bidez detekta daitezkeen kodetze-estrategiak garatu ditu, baita Ultrasoinuz ezkutatutako barra-kodeak, UT, ere, osagai metalikoetan txertatuak. Osagaietan sakonago txertatutako detekzio-metodoei dagokienez, laser-soldaduraren bidez beira-zuntza integratzen lan egin du taldeak.
Bere azalpenean, Anak entzuleekin partekatu zuen “hauek guztiak etorkizun handiko lorpenak diren arren, TRL baxua duten direla oraingoz” eta “ikerketa gehiago behar dela TRL handitzeko eta irtenbide horiek industriarentzat eta gizartearentzat eskuragarriak izan daitezen”.
MINAKU proiektuaren partzuergoa lehen mailako agente teknologikoen talde batek osatzen du, ezagutza eta espezialitate propio osagarriekin, hala nola, AZTERLAN Metalurgia Ikerketa Zentroa (proiektuaren liderra) eta BRTAko kide ere badiren LORTEK, TEKNIKER eta TECNALIA zentro teknologikoak, UPV/EHUko Ingeniaritza Mekanikoko Saila, UPV/EHUko Komunikazioen eta Fotonika Aplikatuaren Ingeniaritza Saila, Mondragon Goi Eskola Politeknikoa eta INVEMA.
MINAKU Eusko Jaurlaritzako Ekonomiaren Garapen, Iraunkortasun eta Ingurumen Sailaren Elkartek Programak finantzatzen du (Erref.: KK-2022/00080).
Ana Fernandez AZTERANeko ikertzailea MINAKU proiektuaren aurkezpenean CMH Manufacturing Congress-en.
