Metalurgia Ikerketa Zentroa

  • 1 de agosto de 2018

IK4-AZTERLANek Osagarrien Garbitasun Entseguak ISO 16232 arauaren arabera egiteko ENACen akreditazioa lortu du

Entseguak VDA 19 gidaren zehaztapenak betetzen ditu eta eskakizun maila altua duten konponenteen zikintasun partikulak erauztean, identifikatzean, klasifikatzean eta zenbatzean datza, zerbitzuan hutsegiteak zein aldez aurreko akatsak saihesteko.

Konponenteen Garbitasun entsegua balio gehitu handiko analisia da zeinak, besteak beste, sistema itxien eta zirkuitu hidraulikoen funtzionaltasun optimoa bermatzea ahalbidetzen duen. Izan ere, kasu hauetan zikintasun partikulek berauen funtzionamendua kalte dezakete eta hutsegite mekanikoak eragin.

Osagarrien garbitasunaren inguruko exijentzia maila hazi egin da kalitate eskakizun altua duten sektoreen artean, hala nola automobilgintzan edota aeronautikan, eta, gaur egun, fabrikatzaile askorentzako beharrezko betebeharra da. Ondorioz, OEM askorentzako sarrera-barrera bilakatu da..

David Lópezen hitzetan, IK4-AZTERLAN Metalurgia Ikerketa Zentroko Zerbitzu Teknologiko Aurreratuen alorreko departamentu kimikoko burua, “hainbat urte daramatzagu garbitasun entseguak burutzen baina fabrikatzaileen artean izan den eskakizunaren hazkundea dela eta, ENAC-ekin akreditazioa lortzeko apustua egin dugu. Era berean, akreditazio berri honek gure kapazitateak eta konpetentziak indartzen lagundu digu”.

Garbitasun entseguak osagarrietan pilatuta dagoen zikintasun maila egiaztatzea ahalbidetzen du eta berauetan pilatutako partikulen tamaina zehazten du. Honela, fabrikatzaileak eskatutako onargarritasun maila betetzen duten egiazta daiteke.

Gainera, IK4-AZTELANek “abangoardiako ekipamendua eta ezagutza dauzka bezeroari balio gehitua eskaintzea ahalbidetzen digutenak. Horrela, aurkitutako kutsatzailearen ezaugarriak eta jatorria zehatz ditzakegu bestelako analisiak gehituta, hala nola, entsegu kimikoak edota metalografikoak burututa, edota SEM (Ekorketazko Mikroskopia Elektronikoa) erabilita”. Analisi osagarri hauek zikintasunaren jatorria identifikatzen laguntzen dute eta fabrikazio prozesua zein prozesu laguntzaileak hobetzeko balio handiko informazioa eskain dezakete.

IK4-AZTERLANen burututako Osagarrien Garbitasun Entseguak ENAC erakundearen akreditazioa dauka ISO 16232 arauaren arabera eta VDA 16 gidaren zehaztapenekin bat egiten du entseguaren metodologiari eta emaitzen aurkezpenari dagokionean. Osagarri eta material metalikoez gain, ez-metalikoen garbitasun entsegua ere egin daiteke eta garbitasun maila garrantzizko ezaugarritzat duten bestelako industrientzako ere burutu daiteke.

Ensayo de Limpieza de Componentes